លោកវីដូដូបានទទូចឲ្យលោកបៃដិន ប្រឹងប្រែងជួយឲ្យបានច្រើនជាងនេះ ដើម្បីបញ្ឈប់សង្គ្រាម នៅហ្កាហ្សា

ដោយ៖ម៉ម ពិសី

ឥណ្ឌូណេស៊ី សូមអំពាវនាវ ឲ្យសហរដ្ឋអាមេរិក ត្រូវតែប្រឹងប្រែងឲ្យបានច្រើនលើសនេះ ដើម្បីបញ្ឈប់សង្គ្រាមនៅតំបន់ហ្កាហ្សា។ ការឈប់បាញ់នៅពេលនេះ គឺជារឿងមួយសំខាន់ខ្លាំង សម្រាប់មនុស្សជាតិយើង។ នេះគឺជាពាក្យថ្លែងអំពាវនាវ របស់លោក ប្រធានាធិបតី ចូកូ វីដូដូ។ លោកវីដូដូ បានបន្ថែមទៀត លោកបាននាំសារដោយផ្ទាល់មាត់ ដែលលោកម៉ាសមូដ អាបាស ប្រមុខដឹកនាំប៉ាឡេស្ទីន បានផ្ញើមកប្រាប់លោក ចូបៃដិន។