អ៊ីរ៉ង់​ពង្រាយ​នាវាចម្បាំង នៅ​សមុទ្រ​ក្រហមបន្ទាប់ពី អាមេរិក​បាញ់​ពន្លិច​របស់ ក្រុម​ហ៊ូទី​យេម៉ែន

ដោយ៖ ឈាង បុប្ផា
នៅថ្ងៃចន្ទ ទីភ្នាក់ងារ​ព័ត៌មាន​អ៊ីរ៉ង់ Tasnim បាន​ចុះផ្សាយ​ថា កប៉ាល់ចម្បាំង​អ៊ីរ៉ង់​ឈ្មោះ​Alborz​បាន​បើក​ឆ្លងកាត់​ច្រកសមុទ្រ Bab al-Mandab ដែលនៅ​កៀកជាប់នឹង​ទឹកដីយេម៉ែន សំដៅទៅក្នុង​សមុទ្រ​ក្រហម។ ទីភ្នាក់ងារ​ព័ត៌មានអ៊ីរ៉ង់​មិន​បាន​លម្អិត​ពី​ហេតុផល​ដែលធ្វើ​ឲ្យ​អ៊ីរ៉ង់​ពង្រាយ​នាវាចម្បាំង នៅ​សមុទ្រ​ក្រហម ប៉ុន្តែ គ្រាន់តែ​បញ្ជាក់ថា កប៉ាល់ចម្បាំង​Alborz​ធ្លាប់​បើក​ប្រតិបត្តិការនៅក្នុងតំបន់ តាំងពី​ឆ្នាំ ២០០៩ ​ដើម្បី​ការពារ​កប៉ាល់ដឹកទំនិញ ពីការវាយប្រហារ​របស់​ចោរសមុទ្រ។