អាមេរិកស្នើរឲ្យ​មានការចរចា​ឈប់បាញ់ ខណៈប្រជាជន​នៅតំបន់ហ្កាហ្សាកំពុងប្រឈមនឹងគ្រោះទុរ្ភិក្ស​

ដោយ៖ ម៉ម ពិសី
សហគមន៍អន្តរជាតិ ដោយរាប់ទាំងសហរដ្ឋអាមេរិក ដែលជា​សម្ព័ន្ធមិត្តធំបំផុតរបស់អ៊ីស្រាអែលផង បាននាំគ្នា​អំពាវនាវ ឲ្យមានបទឈប់បាញ់នៅតំបន់ហ្កាហ្សាជាបន្ទាន់​។ បើ​ផ្អែក​តាម​​​បណ្តាញ​ព័ត៌មានអេហ្ស៊ីប ការចរចាបានចាប់​ផ្តើម យ៉ាងសស្រាក់សាស្រាំនៅថ្ងៃចន្ទ ទី​៤មីនា នៅទីក្រុងគែរ ដោយ​មានតំណាងភាគី​អេហ្ស៊ីប កាតា សហរដ្ឋអាមេរិក និង​តំណាង​របស់​ក្រុមហាម៉ាសផងដែរ​។ បណ្តាញទូរទស្សន៍អេហ្ស៊ីបស្និទ្ធនិងរដ្ឋាភិបាល បាន​អះអាងថា ការចរចាបានលទ្ធផលវិជ្ជមានគួរជាទីសង្ឃឹម។