ដោយ៖ អៀង សុខម៉ិញ
នៅសល់តែមួយជំហានទៀតទេ អ៊ីស្រាអែលនឹងឈ្នះសង្គ្រាមនៅហ្កាហ្សាហើយ ប៉ុន្តែការខាតបង់មានលក្ខណៈធ្ងន់ធ្ងរនិងចុកចាប់ខ្លាំងណាស់! នេះជាប្រសាសន៍របស់លោកនាយករដ្ឋមន្ត្រី នេតាន់យ៉ាហ៊ូ ទៅកាន់រដ្ឋាភិបាលអ៊ីស្រាអែលទាំងមូល។ ជាមួយនឹងការផ្តល់តួលេខថាយោធាអ៊ីស្រាអែលកម្ទេចអស់ពួកហាម៉ាសចំនួន១៩កង ក្នុងចំណោម២៤កង លោកនេតាន់យ៉ាហ៊ូ បានសន្យាជាថ្មីថានឹងបន្តកម្ចាត់ពួកហាម៉ាសឱ្យទាល់តែផុតពូជ មិនថាពួកនោះលាក់ខ្លួននៅទីណាឡើយ។ សូម្បីតែក្នុងក្រុងរ៉ាហ្វា ក្រុងភាគខាងត្បូងបំផុតនៃហ្កាហ្សាជាប់ព្រំប្រទល់អេហ្ស៊ីប ក៏អ៊ីស្រាអែលមិនខ្លាចនឹងចូលទៅបោសសម្អាតចលនាប្រដាប់អាវុធនេះដែរ។ នេះបើតាមសំដីរបស់លោកនេតាន់យ៉ាហ៊ូ ដែលព្រមានទៀតថា បើគ្មានការដោះលែងចំណាបខ្មាំងទេ គ្មានឡើយការឈប់បាញ់។
Comments
Post a Comment