ធនាគារចិនចាប់ផ្តើម​ប្រុងប្រយ័ត្នក្នុងការផ្ទេរប្រាក់ជាមួយរុស្ស៊ី ដោយខ្លាចទណ្ឌកម្មអាមេរិក?

ដោយ៖ ម៉ម ពិសី

ចាប់តាំងពីសង្គ្រាមអ៊ុយក្រែនបានឆាបឆេះឡើងមក ទំនាក់ទំនងទាំងការទូត ទាំងពាណិជ្ជកម្មរវាងចិននិងរុស្ស៊ី ហាក់ដូចជាបាន​ហក់មានសន្ទុះកាន់តែល្អូកល្អឺន។ បើទោះបីជា​សហគមន៍អន្តរជាតិរិះគន់យ៉ាងណា តែលោក​ស៊ី ជីនពីង នឹងទទួលលោក​ពូទីន នៅក្រុង​ប៉េកាំង ក្នុងកំឡុងខែឧសភានេះ។ ហើយ​កាលពីឆ្នាំទៅមិញ លោកស៊ី ជីនពីង បានធ្វើដំណើរទៅម៉ូស្គូ និង​បាន​ថ្លែងប្រកាសថា មិត្តភាពរវាងចិននិងរុស្ស៊ី គឺជាមិត្តភាព​អមតៈ គ្មានទីបំផុត​។