ឥណ្ឌាណែនាំឲ្យព្រលានយន្តហោះទាំងអស់ក្នុងប្រទេស ដាស់តឿនពលរដ្ឋ និងអ្នកធ្វើដំណើរដែលត្រៀមទៅប្រទេសកម្ពុជា

ដោយ៖ សាំ ឧត្តម
ក្រសួងការបរទេសឥណ្ឌាបានស្នើឱ្យក្រសួងអាកាសចរណ៍ស៊ីវិលឥណ្ឌាណែនាំដល់ប្រតិបត្តិករព្រលានយន្តហោះទាំងអស់ត្រូវអប់រំ ដាស់តឿន និងបង្កើនការយល់ដឹងដល់ពលរដ្ឋឥណ្ឌាដែលត្រៀមធ្វើដំណើរទៅប្រទេសកម្ពុជា និងបណ្តាប្រទេសមួយចំនួនទៀតក្នុងតំបន់ឱ្យប្រុងប្រយ័ត្នខ្ពស់បំផុត។ ប្រុងប្រយ័ត្នខ្ពស់ដោយក្រសួងការបរទេសឥណ្ឌាពន្យល់ហេតុផលថា ពលរដ្ឋឥណ្ឌាភាគច្រើនដែលទៅរកការងារធ្វើនៅកម្ពុជាតែងរងគ្រោះ និងក្លាយជាទាសករឆបោកតាមប្រព័ន្ធអនឡាញ។