ចិនបានបញ្ជូនដោយជោគជ័យអវកាស​៣នាក់ ដើម្បីធ្វើពិសោធន៍យ៉ាងច្រើននៅស្ថានីយ៍អវកាសខ្លួន

ដោយ៖ ម៉ម ពិសី
យានChangzheng 2F ដែល​បានហោះចេញពី​ស្ថានីយ៍បាញ់បង្ហោះ​ផ្កាយរណប​ Jiuquan ស្ថិតនៅភាគពាយ័ព្យ​ប្រទេស បានហោះ​ទៅដល់​ស្ថានីយ៍អវកាស​ចិន ធានកុង​ នៅវេលាម៉ោង​១១ព្រឹកថ្ងៃពុធ ទី​៣០តុលា។ នៅ​ក្នុង​បេសកកម្ម Shenzhou-19 នេះ គឺមាន​អ្នកអវកាសចិន​៣នាក់ លោក Cai Xuzhe អាយុ​៤៨ឆ្នាំប្រធានបេសកកម្ម​ លោក​ Song Lingdong អតីតអ្នក​បើកយន្តហោះក្នុងជួរកងទ័ពអាកាសចិន និង​អ្នកស្រី Wang Haoze អាយុ៣៤ឆ្នាំ។ អ្នកស្រី​ Wang Haoze គឺស្ត្រីចិន​តែមួយរូបគត់ ​ដែលមានជំនាញ​វិស្វកម្មក្នុងវិស័យហោះហើរអវកាស ហើយជាស្ត្រី​ទី៣ ដែលបានឡើងទៅដល់​ស្ថានីយ៍អវកាសចិន បន្ទាប់ពីលោកស្រី Liu Yang និង Wang Yaping។