តើនាយករដ្ឋមន្ត្រីកម្ពុជាគួរបង្ហាញទ្រព្យសម្បត្តិជាសាធារណៈដូចថៃដែរឬទេ?

ដោយ៖ ជួប នរក្សា
នាយករដ្ឋមន្ត្រីថៃ នាពេលថ្មីៗនេះ បានប្រកាសជាសាធារណៈអំពីទ្រព្យសម្បត្តិរបស់ខ្លួន ដែលមានតម្លៃរហូតដល់ជាង៤០០លានដុល្លារ។​ ការណ៍នេះទាញចំណាប់អារម្មណ៍ដល់អ្នកតាមដានបញ្ហាសង្គមនិងនយោបាយនៅកម្ពុជា ដោយពួកគេ យល់ថា ប្រមុខរដ្ឋាភិបាលកម្ពុជាគួរយកគំរូតាមមេដឹកនាំថៃ ដែលហ៊ានប្រកាសទ្រព្យសម្បត្តិរបស់ខ្លួនជាសាធារណៈ។ បើតាមក្រុមអ្នកតាមដានសង្គម ការប្រកាស​ទ្រព្យសម្បត្តិដោយ​បើក​ចំហរនេះ ដើម្បីបង្ហាញនូវតម្លាភាពដល់ប្រជាពលដ្ឋ។