គណៈកម្មាធិការប្រឆាំងអំពើពុករលួយថៃ លាតត្រដាងទ្រព្យសម្បត្តិសរុបរបស់នាយករដ្ឋមន្ត្រីមានជាង៤០០លានដុល្លារ

ដោយ៖ អោ ស្រីពេជ្រ
គណៈកម្មាធិការជាតិប្រឆាំងអំពើពុករលួយរបស់ប្រទេសថៃបានបង្ហាញជាសាធារណៈនូវសេចក្តីប្រកាសទ្រព្យសម្បត្តិរបស់នាយករដ្ឋមន្ត្រីថៃទី៣១ លោកស្រី ភែថងថាន ស៊ីណាវ៉ាត់ បន្ទាប់ពីលោកស្រីចូលកាន់តំណែងនៅថ្ងៃទី៦ ខែកញ្ញា ឆ្នាំ២០២៤។ លោកស្រី ភែថងថាន ស៊ីណាវ៉ាត់បានប្រាប់ឲ្យដឹងថា លោកស្រីមានទ្រព្យសម្បតិ្តសរុប ១៣.៨៤ ពាន់លានបាត ឬស្មើប្រមាណ ៤០២.៣លានដុល្លារអាមេរិក។ ចំណែកស្វាមីរបស់លោកស្រី គឺលោក ភីដក សុគសាវ៉ាតកាន់កាប់ទ្រព្យសម្បត្តិប្រមាណតែ ៤.២៧លានដុល្លារប៉ុណ្ណោះ។