ចិន ជប៉ុន កូរ៉េខាងត្បូង បើកទំព័រប្រវត្តិសាស្ត្រថ្មី ដើម្បី​ទប់​ទល់​​នឹង​រនាំងពន្ធគយ​អាមេរិក

ដោយ៖ ហេង ឧត្តម

នេះជាការបើកទំព័រប្រវត្តិសាស្ត្រ​មួយ​ថ្មី ខណៈ​ពេល​ដែល​រដ្ឋាភិបាល​ក្រុង​វ៉ាស៊ីនតោន​ហាក់​កំពុងតែ​ងាកទៅរក​ក្រុង​ម៉ូស្កូ​ ប្រទេសមាន​សេដ្ឋកិច្ច​ខ្លាំង​ៗនៅ​​អាស៊ី​ក៏ងាក​ខិតរកគ្នា​ដែរ។ នៅរាជធានី​​តូក្យូ លោកនាយករដ្ឋមន្ត្រី​ជប៉ុន Shigeru Ishiba និង​ប្រមុខ​ការទូត​ជប៉ុន Takeshi Iwaya បាន​​ទទួល​ស្វាគមន៍​​រដ្ឋមន្ត្រី​ការបរទេស​ចិន លោក វ៉ាង យី ​និងលោក  Cho Tae-yul ប្រមុខ​ការទូត​​កូរ៉េខាងត្បូង​។